Verktakinn okkar bíður enn átekta vegna frosts í jörð en undirbúningur að næstu áföngum stendur yfir. Eins og fram kemur í fundagerð verkfundar 11 sem haldinn var miðvikudaginn 1. apríl hefur verktakinn okkar ákveðið að vinna áfanga 1 næst. Til upprifjunar liggur áfangi 1 frá Kljáfossi að Fljótstungu, þ.e. um Hvítársíðuna. Hvenær vinna hefst í áfanganum ræðst af veðri og aðstæðum.
Við bíðum eftir niðurstöðum mælinga frá verktakanum okkar fyrir áfanga 2 og hluta af áfanga 3, þ.e. þeim hluta sem hægt var að vinna vegna aðstæðna. Þegar þessar mælingar berast okkur geta eigendur þeirra tengistaða sem tilheyra þessu svæði notið þeirra gæða sem ljósleiðaranum fylgir. Í kjölfar þess að mælingarnar berast okkur, þær yfirfarnar og fjarskiptafélög upplýst um nýja notendur setjum við inn skilaboð þess efnis hér á síðuna.
