• GDan

Sér til lands með fjármögnun

Stjórn Fjarskiptasjóðs úthlutaði í gær á fundi sínum styrkjum til sveitarfélaga vegna verkefnisins Ísland ljóstengt 2020. Fyrirkomulag úthlutunar styrkja sjóðsins í þetta sinn er á þann veg að sveitarfélögin fá úthlutað styrkjum fyrir næstu þrjú ár þannig að nú liggja fyrir fjárhagslegar upplýsingar til að skipuleggja verkið til enda. Í Borgarbyggð eru rúmlega 500 styrkhæfir tengistaðir. Lagning ljósleiðara í Borgarbyggð er stærsta ljósleiðaraverkefni hjá einu sveitarfélagi í dreifbýli á Íslandi. Styrkur Fjarskiptasjóðs til að leggja ljósleiðara í Borgabyggð var samtals 506,6 m.kr. Fjárhæðin skiptist þannig niður: Árið 2019 165.819.188 kr; árið 2020 160.000.000 kr og árið 2021 180.780.812 kr. Það verður því í stórum dráttum um að ræða þrjá nokkuð jafnstóra stóra áfanga í þessu mikla verki á næstu þremur árum. Sveitarstjórn þarf að taka afstöðu fyrir þann 8. mars n.k. hvort tilboðinu verði tekið.


142 visninger